మేము కొండమీదికి వెళ్ళడానికి సిద్ధమై, శ్రీనివాసం అతిథి గృహం గ్రవుండ్ ఫ్లోర్ లో లిఫ్టు దగ్గర బెంచీ మీద ‘ఇంకొకాయన’ (రమేష్) వచ్చేవరకూ నిరీక్షించిన దాదాపు 40 నిమిషాల్లో, ప్రముఖం గా గమనించింది,--వరుసగా ఇద్దరిద్దరు పనివాళ్ళు నాలుగడుగుల యెత్తున్న పెద్ద పెద్ద ప్లాస్టిక్ బక్కెట్లలో పొర్లిపోతూ చెత్తని తీసుకొచ్చి బయటికి చేరవేస్తూండడం! అలా 52 కి పైగా బక్కెట్లు నేను లెక్క పెట్టాను!
ఒక్క శ్రీనివాసం లోనే అంత చెత్త ‘ఉత్పత్తి’ అవుతోందంటే, అది కూడా గదుల్లోనూ, లాకర్లు అద్దెకిచ్చే యేరియాల్లోనూ అని నా అనుమానం—ఇక కేంటినులోనూ, మిగతా చోట్లా యెంత చెత్త ఉత్పత్తి అవుతోందో కదా!
మిగిలిన అతిథి గృహాల్లోనూ, హోటళ్ళూ, మెస్సులూ, గృహాలూ, బస్ స్టాండూ, రైల్వే స్టేషనూ మొదలైన చోట్ల యెంత చెత్త ఉత్పత్తి అవుతోందా అని!
త్వరలో శ్రీపతిని యేడుకొండలవాడు అని కాకుండా, (చెత్తకొండతో కలిపి) యెనిమిది కొండలవాడు అని చెప్పుకోవాలేమో అని నా భయం!
మరి యెలాగో!
