ఘంటారావం
శ్రీగిరిపై యెక్కడా గంట వినిపించడం లేదు--ఆలయం లో గంట జాడగానీ, భక్తులెవరూ గంట కొడుతున్న జాడ గానీ లేవని వ్రాశాను ఇంతకు ముందు.
ఇప్పుడు యేకం గా సాయంత్రం యేడున్నరనించీ ఓ అరగంటపాటు 'ఘంటారావం' పేరుతో 'భక్తి చానెల్ ' లో ప్రత్యక్ష ప్రాసారం చేస్తున్నారు యేదో ఓ చిన్న గంటని మ్రోగించి!
గమనించారా?
అదికూడా నిజం గా గుడిలో మోగిస్తున్నారో, టేప్ రెకార్డు చేసి వినిపిస్తున్నారో నాకు సందేహమే!
మరి ఆలయం లోని పెద్ద కంచుగంట మోగిస్తే 'గాంగ్.........గాంగ్' అని మోగేది--అదేమయ్యిందో?
4 comments:
శ్రీవారి ఆలయంలోని ఘంటలను స్వామివారికి నైవేద్యసమర్పణ సమయంలో మాత్రమే మ్రోగిస్తారు.
డియర్ చిలమకూరు విజయమోహన్!
ఆ సమయం లో అర్చక స్వాములు యెలాగూ మోగిస్తారు!
నేనన్నది బంగారువాకిలి ముందు ఇదివరకు వుండే పెద్ద కంచుగంట గురించీ, భక్తులెవరూ యెక్కడా యేగంటా మోగించకపోవడం గురించీ!
మరిప్పుడు ఈ అరగంటసేపు ప్రత్యక్ష ప్రసారమెందుకంటారు?
ధన్యవాదాలు!
స్వామివారి నైవేద్య సమయాన మ్రోగించేవి బంగారు వాకిలి ముందు ఉన్న రెండు పెద్ద కంచు ఘంటలేనండి.నివేదన సమయంలో ఈ ఘంటలను మ్రోగించే పరిచారక విప్రుణ్ణి ‘ఘంటాపాణి’ అంటారు. ఈ ఘంటల నాదాల తరంగాలు తిరుమల క్షేత్రం అంతటా వ్యాపించి తిరుమల కొండల్లోనూ కోనల్లోనూ మంద్ర గంభీరంగా శ్రుతి సుందరంగా ప్రతిధ్వనిస్తూ ఉంటాయి. ఈ ఘంటానాదం చెవినబడ్డ ప్రతివ్యక్తికీ శ్రీ స్వామివారి ఆరగింపు జ్ఞప్తికి వస్తుంది.తిరుమల క్షేత్రంలో ఈ నాటికీ ఈ నాదం ఆగిన తర్వాతనే తమతమ భోజనాలకు ఉపక్రమించే భక్తజనులు ఎందరో ఉన్నారు.ఈ అదృష్టాన్ని లోకానికెల్లా కలిగించాలని అనుకున్నారేమో మరి.
డియర్ చిలమకూరు విజయమోహన్!
మీరిచ్చిన వివరణకి నా ధన్యవాదాలు!
నేను 1975 లో వెళ్ళినప్పుడు ఒకే గంట వుండేదని గుర్తు! మొన్నీమధ్య నేను స్వామిని సందర్శించినప్పుడు ఆ గంట/లు నేను గమనించలేదు! మేము గుళ్ళో వున్నంతవరకు గానీ, కొండ దిగివచ్చేవరకు గానీ గంట వినబడలేదు అన్నది నిజం!
మరి భక్తులెవరూ ఆ గంటలని మోగించడం లేదా? లేక వాళ్ళందరూ 'తోసుకొనే' ధోరణిలో గంటలు వున్నాయనే సంగతే మరిచిపోతున్నారా?! అని నా సందేహం.
ఇక 'ప్రత్యక్ష ప్రసారం' అవుతున్న 'ఒకే గంట ' చాలా చిన్న గంట--పైగా దాన్ని మోగించేవారు మధ్యలో వేళ్ళాడే 'వాదకాన్ని ' (దీన్ని ఇంగ్లీషులో 'హేమర్ '--మన 'సుత్తి ' అంటారు. దానికి సంస్కృతం లో, తెలుగులో యేదైనా పేరు వుందేమో--గుర్తు లేదు) చేత్తో ఒకసారి నెమ్మదిగా, రెండోసారి గట్టిగా 'టంగ్, ఠంగ్...' అని మోగిస్తున్నారు. ఆ పౌనహ్ పున్యాన్ని బట్టి ఆ గంట సైజ్ యెంతో వూహించవచ్చు!
ఇది 'అదృష్టాన్ని కలిగించడమే' నంటారా?
యేమైనా, మీకు మరోసారి నా ధన్యవాదాలు--సమాచారం ఇచ్చినందుకు, 'పరిచారక విప్రుడు ' 'ఘంటాపాణి 'ని పరిచయం చేసినందుకు!
Post a Comment